Roman Labiak: "KWYRLOK"

Gupio Krista!

Gupio Krista!

Tacho Krista piwa kista
Chop, sie za niōm kulo
Rynce w kabzie, nic niy niesie
Durś gupoty fulo
 
Toż dej pozōr jako lyziesz
Jak stawiosz krapyki
Bo ze kistom durś tańcujesz
Choć niy ma muzyki
 
Chop łod Kristy to obibok
Zgniōły do roboty
W dōma siedzi piwo doji
W gowie mo gupoty
 
Krista fucy, ledwo zipie
Mo cerwone lica
Mocno grzeje, pot sie leje
Bo na dworze hica
 
Słabo Kriście sie zrobiōło
I sie wywalōła
Potrzaskane mo kolano
I kista puściōła
 
Chop zaś rycy trzimej kista
Niy patrz na kolano
Zbiyrej gibko mi te piwo
Cobych mioł na rano
 
Czamu łōna tako gupio
Piernika kandego
Przeca lepi by ji bōło
Bez gizda takego.
 
Autor: Roman Labiak