Roman Labiak: "KWYRLOK"

Klachule!

 

  Klachule!

 
Dwie sōmsiadki sie spotkały
I łod rana już klachały
Łobgadujom ludzi w koło
Bo to przeca, jest wesoło
 
Sie dowiedzieć co kto robi
Kogo bajtel, juzaś zgobi
Kery chop za dużo pije
Kero baba, chopa bije
 
Łobgadujōm - wymyślajōm
Uszy, już cerwone majōm
W gymbie sucho, niy ma śliny
I niy skōńczōm bez prziczyny
Nogle!
Na kościeli pizło dwie
Wtedy - pożegnali sie
Kożdo pyńdzi, do chałupy
By uwarzić z „tytki” zupy
 
Bo kiej chop, z roboty przidzie
Niy wesoło, wtedy bydzie
A tak powiy, że jest choro
Z łożka wstała, za niyskoro
 
Na zakupach zaś niy bōła
Bezto, zupa mu zrobiōła.
 
Autor: Roman Labiak