Roman Labiak: "KWYRLOK"

Antek kmini!

 

Antek kmini!

  

Wszyscy w klasie coś godajōm
Wymyślajōm i fulajōm
Antek chcioł sie tyż pochwolić
No i poczōn gupio smolić
 
W Ameryce, moja ciotka
Ta mo tigrōw, połno klotka
Kerym sroge, zymby rosnōm
Wylatujōm, ale wiosnōm
 
Ciotka, tam tysz konia mo
Jak elefant, mi sie zdo
Teroz ciotka, kiej rajtuje
Wszystko, aże podskakuje
  
Roz papuga, ciotka miała
Kero cołki dziyń śpiywała
Teroz łona w filmach gro
 Śpiywo i na kole gno
 
Złote w dōma mo kokotki
Beztōż, jada tam do ciotki
Bo z kokotka – jo niy smola
Leci ciyngym, coca-cola.
 
Dugo, by tak możno fuloł
Ale rechtor, sie przikuloł
Przerwoł Antka gupie fleki
I postawiōł, go do eki.
 
Autor: Roman Labiak