Roman Labiak: "KWYRLOK"

Beamter!

 

Beamter!
 
We urzyńdzie siedzioł lyń
Duboł w nosie cołki dziyń
Sprawy sōm niy załatwiōne
Ale w „akta”, sōm wsadzōne
 
Kedy wejrzi, na regały
Zaroz świycōm mu sie gały
Wszystko fajnie ułożōne
Już łod downa, niy ruszōne
 
Cołke szranki połne sōm
Przeca, to jes jego dōm
Wszystke sprawy „kajsik” mo!
Czi, mu ktosik rady do?.
 
Komputery, już dostali
Coby gibci załatwiali
Kawa żłopiōm bo czas majōm
W internecie, we gry grajōm
 
Leży prośba i podanie
Możno,  przidzie czas tyż na nie
Teroz wice sie godajōm
I tak czas, sie umilajōm
 
No bo tam niy jedyn ciołek
Pierdzi, yno we swōj stołek
Wszystke sprawy „kajsik” mo!
Czi mu ktosik - rady do?.
 
Autor: Roman Labiak
 -------------------------
 
Kiejby!
Gupota skrzidła miała
Wysoko by furgała
Bo w kożdym magistracie
Siedzi pora , (gu) ptokōw na etacie.

A kiej sie tym obrażajōm
To yno, to potwierdzajōm.
 
R.L.