Roman Labiak: "KWYRLOK"

Becik!

 

Becik!

To rozprowka niy słychano
A to bōło kedyś rano
Przi chlywiku stoł roz becik
A w beciku, leżoł Ecik
 
Becik, tyn mioł być dlo synka
Dostoł Ecik, go łod Zynka
 Sroge dziecka mo już Zynek
U Ecika - mały synek
 
Baba śpi ze synkiym w becie
Ecik, sie we zeslu gniecie
Beztōż Zynek doł jim becik
Coby z babōm, spać mōg Ecik
 
Razym becik przitargali
Przi chlywiku, popijali
Zynek do dōm sie pokuloł
Ecik, zaś sie w becik wkuloł
                                                                                               
Kupa śmiychu, ludzie mieli
Kiej Ecika, tam widzieli
Jego baba zaś we złości
Zrachowała, jymu kości.
 
Becik przi tym połōmali
Bydōm, zaś łosobno spali.
 
Autor: Roman Labiak