Roman Labiak: "KWYRLOK"

"Mōndry" Zefek.

"Mōndry" Zefek.

By paskudno mucha zabić
Musioł Zefek jōm prziwabić
Mucha w kuchni durś lotała
We warzyniu zawodzała
Hyjdla trzasko tam rolady
Muchy zabić niy do rady
Dugo szmatōm wywijała
Jakoś muchy niy dostała
Zefek, wcale niy gōwkowoł
Nochol, szpekym wyszmarowoł
Wolne rynce sztyry majōm
I na mucha tak czekajōm
Łōna, wnet na nosie siadła
Hyjdla tuczek, zaś dopadła
Praskła tuczkym w środek gymby
Zefek, wypluł przodnie zymby
Sroge szczyńście mucha miała
Z kuchnie na dwōr, poleciała.
 
Autor: Roman Labiak