Roman Labiak: "KWYRLOK"

Szkamrały!

Szkamrały! 

Chop choruje, to biadoli 
Nic niy robi, wszystko smoli 
Łod szkamranio bolōm uszy 
Ale dupa, to niy ruszy 

Wszystko musi mieć podane 
W pryku, chciołby jeść śniodanie 
Bo łōn chory - już umiyro! 
Chocioż zdrowy, bōł dziepiyro 

Godzinami, lamyntuje 
Przeca, nic mu niy pasuje 
A choć baba zalotano 
Bucy na nia, zaroz rano 

Baba chociōż ledwie cioro 
Niy pokoże, że jest choro 
Ło familio musi dbać 
A by mōgła, przeca spać. 

Ale, tyż take baby bywajōm 
Co nic niy robiōm, yno szkamrajōm! 

Autor: Roman Labiak