Roman Labiak: "KWYRLOK"

Zynek bymbynek!

Zynek bymbynek!

 
Roz mały Zynek dostoł bymbynek
I na nim groł
Rano w połednie do późny nocy
Jak kożdy społ.
 
Łojcu łeb pynko, ale sie lynko
Niy godo nic
Bo jego baba, ciynżko mo graba
A to niy wic!
 
Musi być cicho, bo niy śpi „licho”
To sie "raduje"
Że jego Zynek mo tyn bymbynek 
I szlag trynuje.
 
Kiej sie tak dosz i wszystko smolisz
Toś niy jest chop
Kiej baba, to czuje, to rozkazuje
A tyś jest snop!
 
Pamiyntej!
Coby niy wylyź na snopa
Pokoż - coś kawoł chopa!
 
Autor: Roman Labiak