Roman Labiak: "KWYRLOK"

W zdrowym ciele zdrowo miele!

W zdrowym ciele zdrowo mele!
 
To terozki, fest jest w modzie
Szpacyrować przi pogodzie
A kiej kery wolne mo
To zarozki w bala gro
 
Zaś niykierzy bierōm koło
Pyndalujōm sie wesoło
Inksi juzaś, durś lotajōm
Tak kondycjo poprowiajōm
 
Ale kupa w doma siedzi
I ło zdrowie sie niy biedzi
Kołocz, kawa, cygarety
Biyrek, sznapslik dlo podniety
 
Tusty łobiod potym spanie
Wuszt i jajca na śniodanie
Kiej przityje - dziwi sie?
„Co tyż zy mnōm, stało sie!”
 
Niy dziwota - to gupota
Tak pozbydziesz sie żywota!
 
Autor: Roman Labiak