Roman Labiak: "KWYRLOK"

„Świńske” powiedzynia!

 

 

„Świńske” powiedzynia!
 
„Nie dub w nosie, boś nie prosie”
Coś to gupie, tak mi zdo sie
Tyn, co to wymyśleć mōg
To niy przeloz, szkoły prōg
 
Kto tyż widzioł, kedyś prosie
Co z uciechōm, dubie w nosie
Kiejby!
Zamiast racic, palce miało
Możno?, w ryjku by dubało!
 
„Pijany jak świnia!” - godajōm
Zaś tu świnia, łobrażajōm
Przipisujōm ludzkie wady
Tyj gupocie, niy dosz rady
 
Co najgorsze, zwol na prosie
Wieprza, świnia, no bo do sie
Wszystkie ludzkie te przywary
Mo mieć świnia? – niy do wiary!

 
Autor: Roman Labiak